Вайдман Шанхайдағы жекпе-жектен кейін Усман Нурмагомедовтің әрекетіне баға берді
UFC-дің бұрынғы чемпионы Крис Вайдман Шанхайда өткен турнир кезінде ресейлік файтер Усман Нурмагомедовтің қатысуымен болған даулы эпизодқа пікір білдірді, деп хабарлайды Prosports.kz.
Оқиға Умар Нурмагомедов пен қытайлық Сун Ядунның жекпе-жегінен кейін болды. Умар нокаутпен жеңілгеннен кейін бірден Усман күтпеген жерден октагонға жүгіріп кірді. Бұл жағдай жанкүйерлер арасында қызу талқы тудырды. Кейбір көрермендер Усманның Сун Ядунға соққы жасағысы келгенін болжады. Алайда ресейлік спортшының нақты ниеті пікірталас тақырыбы болып қалды.
«Ол жазалануы керек. Атлетикалық комиссия мұндай әрекетті кешірмейтіні анық. Егер бұрыштағы адам осылай октагонға басып кіретін болса, ол секундант болмауы керек.
Оның үстіне, ол мұны бұрын да жасаған! Ислам Махачев Дастин Порьені жеңген кезде де Усман торға секіріп кірген. Негізінде, бұған тыйым салынған. Әр жекпе-жектен кейін адамдардың октагонға жүгіріп кіруіне жол беруге болмайды», — деді Вайдман Deep Waters подкастында.