Энцо Фернандес «Манчестер Ситиге» ауысуы мүмкін

«Челси» жартылай қорғаушысы Энцо Фернандес жақын арада «Манчестер Сити» ойыншысы атануы мүмкін. Танымал италиялық инсайдер Джанлука Ди Марционың ақпаратына сәйкес, аргентиналық футболшы трансферді аяқтау үшін Манчестерге аттануға дайындалып жатыр, деп хабарлайды Prosports.kz.

Футболшының қалаға бірнеше сағат ішінде жетуі күтілуде. Осыдан кейін тараптар келісім бойынша қалған ресми рәсімдерді аяқтауы тиіс. Бұған дейін «Челси» Фернандесті 120 млн фунтқа, яғни шамамен 140 млн еуроға жіберуге дайын екені хабарланған болатын. Ал Transfermarkt аргентиналық футболшының қазіргі нарықтағы құнын 100 млн еуро деп бағалайды.

Фернандес лондондық клубта 2023 жылдың қаңтарынан бері өнер көрсетіп келеді. Оның «Челсимен» қазіргі келісімшарты 2032 жылдың жазына дейін жарамды.

Егер трансфер жүзеге асса, «Манчестер Сити» Аргентина құрамасының негізгі жартылай қорғаушыларының бірін қатарына қосады. Ал «Челси» футболшыны сатудан қомақты қаржы табуға мүмкіндік алады.