«Ертістің» құрамына жаңадан легионер қосылды

«Ертіс» жазғы трансферлік кезеңде құрамын толықтыруда, деп хабарлайды Prosports.kz.

Клуб нигериялық орталық қорғаушы Самуэль Опе-мен келісімге келгені белгілі болды. 27 жастағы футболшының соңғы клубы Косово чемпионатындағы «Малишево» болған.

Опе бұған дейін Нигерия, Өзбекстан және Албания чемпионаттарында өнер көрсетіп, тәжірибе жинақтаған. Енді ол Қазақстан чемпионатында өнер көрсетпек.

Бұл трансфер «Ертіс» үшін жазғы маусымдағы алтыншы толықтыру болды. Бұған дейін команда қатарын бірнеше ойыншымен күшейткен. Сондай-ақ алдағы күндері жаңа шабуылшының қосылуы да күтілуде.

Луиш Нани «Актөбенің» «Астананы» жеңуіне септігін тигізді