Қазақстандық теннисшілер әлем чемпионатында Швецияға жол берді

Қазақстанның әйелдер құрамасы Лондонда өткен командалық әлем чемпионатында 1/16 финалда жеңіліп, турнирмен қоштасты, деп хабарлайды Prosports.kz.

Қазақстан әйелдер құрамасы Үстел теннисінен командалық әлем чемпионаты аясында Швециямен кездесіп, 1:3 есебімен жеңілді. Әлемдік рейтингте 37-орында тұрған қазақстандықтар 12-орындағы қарсыласқа лайықты қарсылық көрсетті.

Алғашқы ойында Сарвиноз Миркадирова Линда Бергстрём қарсыласынан ұтылды. Кейін Зәуреш Акашева есепті теңестіріп, шешуші сетте 12:10 есебімен жеңіске жетті.

Дегенмен қалған кездесулерде швед спортшылары басым болды. Анель Бақыт пен Акашева өз матчтарында жеңіліп, Қазақстан құрамасы жарысты ерте аяқтады.

Қазақстандық теннисші Германиядағы турнирді сәтті бастады