«Барыс» плэй-офф аймағына қайта оралды

<p style="text-align: justify;"> <strong>Құрлықтық хоккей лигасының тұрақты чемпионатында Астананың &laquo;Барысы&raquo; Ригада жергілікті &laquo;Динамо&raquo; командасын 3:2 есебімен ұтты.</strong></p> <p style="text-align: justify;"> Чемпионат.ком сайтынан алынған мәліметке қарағанда, тартысты өткен кездесуде Найджел Доус есеп ашса, ригалық Каспарс Саулиетис таразы басын теңестірді. Ойынның екінші кезеңі де 1:1 есебімен аяқталды. Бұл жолы &laquo;Барыстан&raquo; Дастин Бойд, &laquo;Динамодан&raquo; Гинтс Мейя көзге түсті. Үшінші кезеңде &laquo;Барыстың&raquo; капитаны Брэндон Боченски жеңіс голын соғып, астаналықтар маңызды үш ұпайға ие болды.</p> <p style="text-align: justify;"> Бұл турда &laquo;Барыстың&raquo; негізгі қарсыластары да жеңіске жетті. &laquo;Автомобилист&raquo; Мәскеуде &laquo;Спартакты&raquo; 4:2 есебімен қапы қалдырса, &laquo;Нефтехимик&raquo; (Нижнекамск) өз айдынында Минскінің &laquo;Динамосын&raquo; овертаймда (3:2) ұтып, екі ұпайға қол жеткізді. 58 ойыннан кейін &laquo;Автомобилист&raquo; 88 ұпаймен Шығыс конференциясында жетінші орынға нық орнықты. Ал 83 ұпайы бар &laquo;Барыс&raquo; &laquo;Нефтехимикпен&raquo; сегізінші, тоғызыншы орынды бөлісуде. Енді &laquo;Барыстың&raquo; тұрақты чемпионатта екі-ақ ойыны қалды. 16 ақпанда Қазанда &laquo;Ак Барс&raquo;, 18 ақпанда Омбыда &laquo;Авангардпен&raquo; күш сынасады. Бұлардың екеуі де мықты команда екендігін ескерсек, &laquo;Барыстың&raquo; плей-офф бәсекелеріне қатысуға мүмкіндік беретін алғашқы сегіздікке ілігуі аса қиынға түседі. Айта кетейік, негізгі қарсыласы &laquo;Нефтехимик&raquo; 16 ақпанда Тольяттиде &laquo;Ладамен&raquo;, одан кейін 18 ақпанда өз айдынында &laquo;Салават Юлаев&raquo; (Уфа) командасымен шеберлік байқасады.&nbsp;</p> <p style="text-align: justify;"> &nbsp;</p> <div> ҚазАқпарат</div>