«Барыс» өз айдынында «Торпедодан» басым түсті

<div style="text-align: justify;"> <strong>Құрлықтық хоккей лигасының тұрақты чемпионатында өз айдынында Нижний Новгородтың &laquo;Торпедо&raquo; командасын қабылдаған &laquo;Барыс&raquo; 5:2 есебімен жеңіске жетті.</strong></div> <div style="text-align: justify;"> &nbsp;</div> <div style="text-align: justify;"> Бірден айту керек, бұл ойын барысында астаналықтар бір ойыншының артықтығын сәтті пайдаланды. Мысалы, бірінші кезең аяқталуға 21 секунд қалғанда, Дастин Бойд есеп ашты. Содан кейін 25-минутта Майк Ландин сондай сәтті құр жіберген жоқ. Осы голдан соң айдындағы ойыншылар саны теңескенмен, 45 секунд өтер-өтпесте Константин Романов есепті 3:0-ге жеткізді. Дегенмен қонақтар да беріле қойған жоқ, екінші кезеңде-ақ Артем Аляев пен Максим Осипов мергендік танытып, есепті 3:2-ге дейін қысқартты. Үшінші кезеңде айдын иелері (Константин Пушкарев) тағы да бір ойыншының артықтығын пайдалана білді. Матчтың соңғы сәттерінде Дастин Бойд бос қалған қақпаға жекедара шығып, кездесудің нүктесін қойды.</div> <div style="text-align: justify;"> &nbsp;</div> <div style="text-align: justify;"> Сөйтіп Андрей Назаровтың шәкірттері соңғы жеті ойындағы алтыншы жеңісіне қол жеткізді. Қазіргі кезде 51 кездесуден кейін 75 ұпай жинаған &laquo;Барыс&raquo; Шығыс конференциясында бұрынғыша жетінші орында келеді. Астаналықтардың плей-офф бәсекесіне шығудағы негізгі қарсыластары &laquo;Нефтехимик&raquo; (Нижнекамск) пен &laquo;Автомобилист&raquo; (Екатеринбург) 50 ойыннан соң сәйкесінше 72 және 71 ұпаймен сегізінші, тоғызыншы сатыларда тұр.</div> <div style="text-align: justify;"> &nbsp;</div> <div style="text-align: justify;"> Әлі тоғыз ойыны қалған &laquo;Барыс&raquo; 19 қаңтар күні Астанада Батыс конференциясында 50 матчтан кейін 68 ұпаймен 10-ыншы орында келе жатқан Минскінің &laquo;Динамо&raquo; командасын қабылдайды.</div> <div style="text-align: justify;"> &nbsp;</div> <div style="text-align: justify;"> <b>&laquo;Барыс&raquo; (Астана) &ndash; &laquo;Торпедо&raquo; (Нижний Новгород) 5:2 (1:0, 2:2, 2:0)</b><br /> 1:0 &ndash; Бойд (Доус) &ndash; 19:39<br /> 2:0 &ndash; Ландин &ndash; 25:00<br /> 3:0 &ndash; Романов (Семенов) &ndash; 25:45<br /> 3:1 &ndash; Аляев (Даугавиньш, Фролов) &ndash; 30:56<br /> 3:2 &ndash; Осипов (Аляев, Сопин) &ndash; 39:27<br /> 4:2 &ndash; Пушкарев (Савченко) &ndash; 41:00<br /> 5:2 &ndash; Бойд (Боченски) &ndash; 57:47<br /> <b>Қақпашылар:&nbsp;</b>Лацо &ndash; Проскуряков (Бирюков, 25:45 &ndash; 60:00)</div> <div style="text-align: justify;"> &nbsp;</div> <div style="text-align: right;"> <em>inform.kz сайтынан</em></div>