Қазақстандық файтер титулды жекпе-жек алдында мәлімдеме жасады
Қазақстандық файтер Жалғас Жұмағұлов АҚШ-та еуропалық промоушен аясындағы титулдық жекпе-жекке дайындақ барысында мәлімдеме жасады, деп хабарлайды Prosports.kz.
«Жаттығу лагері қызу жүріп жатыр. 28 маусымда нағыз шайқас болады. Күшім толып тұр. Жекпе-жекке дайынмын», — деп жазды Жұмағұлов UFC-дің жеңіл салмақтағы чемпионы Алешандро Пантожамен бірге түскен фото жариялап. Фото танымал American Top Team жаттығу залында түсірілген.
Training camp’s in full swing
— Zhalgas Zhumagulov (@ZhakoZhumagulov) May 5, 2025
June 28th, I’m bringing the heat. Charged up. Ready for fight @OktagonOfficial pic.twitter.com/sHKieqBEvs
Айта кетейік, бұған дейін еуропалық OCTAGON лигасы қазақстандық бұрынғы UFC файтері мен лиганың қазіргі чемпионы, грузиялық спортшы Бено Адамия арасындағы титулды жекпе-жекті жариялаған еді.
Жекпе-жек 28 маусымда Германияның Гамбург қаласында өтеді.
Еске салайық, Жұмағұлов OCTAGON лигасындағы дебютін былтыр қарашада өткізген болатын. Онда ол Уэльс файтері Аарон Эбиді төрешілердің бірауыздан қабылдаған шешімімен жеңген еді.