Қазақстан — Оңтүстік Корея матчының тікелей трансляциясы

Дүйсенбі таңертең, 10 ақпанда хоккейден Қазақстан құрамасы 2025 жылы Харбинде (Қытай) өтіп жатқан Азия ойындарында топтағы бірінші орын үшін Оңтүстік Корея құрамасымен ойнайды, деп хабарлайды Prosports.kz.

Қазақстан - Оңтүстік Корея матчының тікелей трансляциясы Астана уақытымен сағат 08:50-де басталады, және оны Qazsport телеарнасынан көруге болады.

Бұған дейін қазақстандық хоккейшілер Тайланд (12:0), Қытай (6:1), Тайвань (17:0) және Жапония (4:1) құрамаларын жеңді. Оңтүстік Корея құрамасының ойынына келсек, Қытайды (овертаймда 6:5) жеңді, одан кейін Тайвань (14:1), Жапония (5:2) және Тайланд (10:0) құрамаларын ойсырата ұтты.

Айта кетейік, Қазақстан құрамасы Азия ойындарының қазіргі чемпионы: ол 2017 жылы Саппорода (Жапония) алтын алған болатын.