Асу Алмабаевтың командасы жекпе-жекке қатысты ресми мәлімдеме жасады

Жекпе-жекке қатысты Асудың Dar Team командасы ресми мәлімдеме жасады, деп хабарлайды Prosports.kz

Асу Алмабаев пен Стив Эрцег арасындағы жекпе-жек өтпейтін болды. Асудың қарсыласы жекпе-жектен бас тартқан. Бұл туралы Dar Team командасы ресми мәлімдеді.

«Асу Алмабаев жақын арада АҚШ-қа ұрысқа дайындалу үшін ұшатынын ресми түрде мәлімдейміз. Бізге белгісіз себептермен Эрцегтің өзі жекпе-жекке шықпайтын болды. Турнирге дейін бір ай болғандықтан, біздің командамыздың жауынгері үшін жаңа қарсылас таңдалады немесе Стив есін жиып, жекпе-жекті қабылдайды», - деп жазды. 

Айта кетейік, Асу Алмабаев пен Стив Эрцег арасындағы жекпе-жек 1 наурыз күні UFC Vegas 103 турнирінде өтуі керек болған.