OCTAGON 69 турнирінің ко-мейн ивенті мерзімінен бұрын аяқталды.

Алматыда өткен Еуразиялық жекпе-жек лигасының OCTAGON 69 турнирінде ко-мейн ивент өткізілді, деп хабарлайды Prosports.kz.

Әйелдер арасындағы минималды салмақта бос тұрған чемпиондық белбеу үшін қазақстандық Антонина Котляревская (5-1) мен грузиялық тәжірибелі спортшы Мариам Торчинава (9-3) кездесті. Айта кету керек, Торчинава салмақ категориясының шегіне сыймай қалды.

Кездесудің алғашқы секундтары грузиялық спортшының қазақстандық үшін өте қауіпті қарсылас екенін көрсетті. Алғашқы раундтың екінші жартысында Котляревская торда өзін қорғауға тырысты, бірақ нәтижесінде Мариам Торчинава тұншықтыру әдісімен жеңіске жетті.

Минималды салмақтағы чемпиондық белбеу әлі де бос күйінде қалды.