OCTAGON 69 турнирінің тікелей трансляциясы

18 қаңтарда Алматыда Еуразиялық аралас жекпе-жек лигасының OCTAGON 69 турнирі өтеді, деп хабарлайды Prosports.kz.

Жекпе-жек кешінде UFC-дегі ресейлік Магомед Анкалаевты әуесқойлар арасындағы әлем чемпионатында жеңген спортшы ретінде танымал қазақстандық файтер Мурад Абдурахманов (10-3) октагонға оралады. Ол қырғызстандық Адис Талайбек уулумен (8-4-2) күш сынасады.

Сонымен қатар, жарақатынан айыққан танымал қазақстандық актер және блогер Арнұр Қабдолдаев (4-0-1) ирандық Хамидреза Таебиниямен (4-3) кездеседі.

Сонымен қатар, жеңіліп көрмеген қазақстандық проспект, «Профессор» лақап атымен танымал Абай Жалал (6-0) ирандық Махиер Рафиимен (4-3) жекпе-жек өткізеді.

Турнирде тағы бірқатар қазақстандық спортшы, соның ішінде Огабек «Сатурн» Абдумуминов, Асқар Жақсылықов, Асадбек Кохоров, Қожахмет Иманғали, Жансерік Жақсығұлов, Ибрагим Шайманов және басқа да файтерлер өнер көрсетеді.

Турнирдің басты оқиғаларының бірі әйелдер арасындағы жеңіл салмақта өтетін титулдық жекпе-жек болмақ. Онда қазақстандық спортшы Антонина Котляревская (5-1) бос тұрған чемпиондық белбеу үшін грузиялық Мариям Торчинавамен (9-3) күш сынасады.

Алматыдағы кештің басты текетіресінде жеңіл салмақтағы тағы бір чемпиондық жекпе-жек өтеді. Бұл кездесуде жеңіліп көрмеген чемпион Руслан Қасымалы уулу (9-0) белбеуін қорғау үшін бұрын қазақстандық Сергей Морозовтың қарсыласы болған ресейлік Баир Штепинмен (12-6) кім мықтыны анықтайды.

Турнир алдында ресми салмақ өлшеу рәсімі және спортшылардың face-to-face шарасы да өтті:

OCTAGON 69 турнирінің тікелей трансляциясы 18 қаңтарда Қазақстан уақытымен 17:00-де басталады және оны OCTAGON TV ютуб-арнасынан көруге болады.

OCTAGON 69 турнирінің ресми серіктесі - Gorilla Energy Drink

OCTAGON лигасының бас серіктесі - 1XBET букмекерлік компаниясы

Турнирдің бас серіктесі - UNDERDOG спорт агенттігі