Солтүстік Қазақстанда 372 қысқы хоккей алаңы жұмыс істейді

<p style="text-align: justify;"> <strong>Петропавлда облыс әкімі Ерік Сұлтановтың төрағалығымен өткен аппараттық жиында үкіметтік емес ұйымдардың жұмысы мен облыстағы қысқы спорт түрлеріне қатысты мәселелер талқыланды.</strong></p> <p style="text-align: justify;"> СҚО әкімі Ерік Сұлтанов отырыстың ашылуында Президент Жолдауы еліміздің қиын-қыстау кезеңімен тұспа-тұс келгенін айтты. Стратегиялық құжатта мемлекетімізді алға жетелер нақты мақсаттар мен міндеттер көрсетілген.</p> <p style="text-align: justify;"> Үкіметтік емес ұйымдардың жұмысы жайлы ішкі саясат басқармасы жетекшісінің орынбасары Марат Шынтеміров баяндады.</p> <p style="text-align: justify;"> &laquo;ҮЕҰ өкілдері барлық маңызды іс-шараларға белсенді қатысып келеді. Елбасымыздың кезекті Жолдауы мен басқа да бағдарламалық құжаттарға қатысты ақпараттық қызметтер түгел қамтылды. Жыл басынан бері 250-ден астам ірі шара ұйымдастырылып, оған 50 мыңнан астам адам қатысты&raquo;, - дейді Шынтеміров.</p> <p style="text-align: justify;"> Аймақтағы қысқы спорт түрлерінің дамуы жөнінде дене шынықтыру және спорт басқармасының жетекшісі Руслан Есеналин баяндады.</p> <p style="text-align: justify;"> Оның айтуынша, облыста 9 қысқы спорт түрі дамып келеді: шаңғы жарысы, конькимен жүгіру спорты, биатлон, шайбалы хоккей, допты хоккей, шорт-трек, бағдарлау спорты, қысқы Президенттік көпсайыс, керлинг.</p> <p style="text-align: justify;"> &laquo;Қысқы спорт түрлері бойынша 426 секция жұмыс істейді. Онда 7 мыңнан астам адам спортпен шұғылданады. Одан бөлек, балалар мен жасөспірімдерге арналған 26 спорт мектебі бар. Ол жерлерде 980 адам дайындалады&raquo;, - дейді Есеналин.</p> <p style="text-align: justify;"> Оның айтуынша, қыс мезгілінде облыста 372 хоккей алаңы ашылады.</p> <p style="text-align: justify;"> &nbsp;</p> <p style="text-align: justify;"> BNews.kz сайтынан</p>