UFC файтерімен кездескен қазақстандық файтер OCTAGON-да жекпе-жек өткізеді

Кәсіпқой спорта ешқашан жеңіліп көрмеген қазақстандық Еламан Сейітхан (3-0) келесі қарсыласының кім екенін білді, деп хабарлайды Prosports.kz.

Жеңіліп көрмеген отандық файтер қарсыласы тәжірибелі әзірбайжандық Серхан Валили (10-8) болмақ.

Айта кетейік, Сейітхан екінші кәсіпқой жекпе-жегін қазақстандық UFC файтері Асу Алмабаевқа қарсы өткізген. 

27 қазанда Алматыда OCTAGON 65 турнирі өтеді, оның негізгі сайысында Қазақстан өкілі Нұржан «Бизон» Ақышев (16-4-1) пен өзбекстандық Мавлонбек Миркомилов (6-2-1) күш сынасады.