UFC Алмабаев - Николау жекпе-жегінің статистикасын жариялады

UFC ресми сайты қазақстандық файтер Асу Алмабаев (21-2)пен бразилиялық Матеус Николау (19-5-1) арасындағы жекпе-жектің статистикасын жариялады, деп хабарлайды Prosports.kz.

Алмабаев Николауды төрешілер шешімімен ұтты - 29-28, 29-28, 29-28.

Асу көбірек соққы бағыттады – 112-68 (дәл – 55-38). Маңызды соққылар бойынша да басымдық қазақстандық спортшы жағында – 54-42 (22-16). Үшінші раундта Алмабаев қарсыласын нокдаунға түсірді. Қазақстандық файтер алты рет тейкдаун әрекетін жасады, бірақ біреуі ғана сәтті болды.. Алмабаевтың бақылау уақыты 5 минут 17 секунд.