Беларусь қорғаушысы Қазақстан чемпионатына ауысуы мүмкін

23 жастағы Белорусь қорғаушысы Артем Волченков тараптардың келісімі бойынша мәскеулік «Динамо» сапынан кетті, деп хабарлайды Prosports.kz тілшісі Belarushockey.com сайтына сілтеме жасап.

Ол карьерасын Қазақстан чемпионатында өнер көрсететін «Хумо» (Ташкент, Өзбекстан) сапында жалғастыруы мүмкін.

Айта кетейік, Волченков осы маусымда айдынға әлі шықпады.

Өткен маусымда қорғаушы ЖХЛ-дің 39 матчында 12 (2+10) ұпай жинады.

Артем ҚХЛ-да дебютін өткізіп, «Динамода» екі ойын өткізді. Клубпен ол Құрлық кубогын жеңіп алды.

Ақпан айының басында Волченков жарақат алып, маусымның қалған бөлігін жіберіп алды.

Волченковтың «Динамомен» екіжақты келісімшарты 2025 жылға дейін есептелген болатын.