UFC үш файтермен қоштасты

Аралас жекпе-жек әлеміндегі ең ықпалды ұйымнан Виргин аралдарының 34 жастағы өкілі, ауыр салмақтағы Карл Уильямс, 41 жастағы америкалық Овинсе Сент Преу, сондай-ақ 28 жастағы бразилиялық Клайдсон Родригес шықты, деп хабарлайды Prosports.kz.

Сент-Пре өзінің соңғы жекпе-жегін 5 қазаннан 6 қазанға қараған түні UFC 307 турнирінде өткізіп, бірінші раундта Райан Спаннан жеңілді.

Уильямс соңғы рет 2024 жылдың тамызында жарысқа қатысып, Джоната Динизге есе жіберді.

Ал Родригес өзінің соңғы шайқасын 2024 жылдың мамыр айында өткізіп, онда ол қытайлық Хейли Алатенгтен ұтылды.