Артем Резников келесі жекпе-жегі жайлы айтты

Қазақстандық жеңіл салмақтағы ACA файтері Артем Резников MMA.Metaratings.ru сайтына берген сұхбатында 12 желтоқсанда Мәскеуде өтетін Юсуф Раисовқа қарсы жекпе-жек туралы хабарландыруға қатысты пікір білдірді, деп хабарлайды Prosports.kz.

«Екі жыртқыш бір торға жиналып, олжасын бөліседі. Біздің жүлде – жоғары рейтингтегі орын. Осы төрт жылда қалай өскенімізді білу өте қызықты болады», - деді Резников.

Айта кетейік, Артем Резников Мухамед Коковты жеңгеннен кейін Юсуф Раисовты сынға алған болатын.

Файтерлер 2020 жылы кездесіп, Артем жеңіске жеткен, содан бері Юсуф реванш мәселесін бірнеше рет көтерді. Раисовтың еншісінде 21 жеңіс және үш жеңіліс бар. Резниковта 25 жеңіс және сегіз жеңіліс бар.