«Достық» гандболдан клубтар арасындағы Азия чемпионатында екінші жеңісіне қол жеткізді

Алматыда әйелдер клубтары арасында гандболдан VII Азия чемпионаты өтіп жатыр, деп хабарлайды Prosports.kz. 

Бұл турнирде Қазақстан намысын екі клуб қорғап жатыр: «Достық» (Алматы) және «Қайсар» (Қызылорда).

Бүгін «Достық» «Голден Иглз Бхарат» (Үндістан) командасына қарсы ойын өткізді. Кездесу 28:25 есебімен қазақстандық гандболшылардың пайдасына аяқталды.

Чемпионатқа Кувейт, Үндістан және Өзбекстан клубтары қатысып жатыр. Жарыс 29 қыркүйекте аяқталады.