UFC 306 турниріндегі Шон О'Мэлли – Мераб Двалишвили жекпе-жегінің трансляциясы

15 қыркүйекте Лас-Вегаста (АҚШ) Мексиканың Тәуелсіздік күніне орай Noche UFC 306 шоуы өтеді, оның басты жекпе-жегінде жеңіл салмақтағы (61,2 келіге дейін) қазіргі чемпион америкалық Шон О'Мэлли мен грузиялық Мераб Двалишвили кездеседі, деп хабарлайды Prosports.kz.

Екінші маңызды кездесу әйелдер арасындағы ең жеңіл салмақта қазіргі чемпион мексикалық Алекса Грассо мен бұрынғы титул иесі қырғызстандық Валентина Шевченко арасында өтеді.

Кардта жалпы 10 жекпе-жек жоспарланған.

Шон О'Мэлли – Мераб Двалишвили жекпе-жегінің тікелей трансляциясы Астана уақытымен 08:30 шамасында басталады. Бұл жекпе-жекті UFC ресми сайтынан тікелей эфирде көруге болады.