Испаниялық теннисші екінші жыл қатарынан Уимблдон чемпионы атанды

Испаниялық теннисші Карлос Алькарас екінші жыл қатарынан Уимблдон чемпионы атанды, деп хабарлайды Prosports.kz.

Уимблдон турнирінің финалында Алькарас серб теннисшісі Новак Джоковичті үш сетте 6:2, 6:2, 7:6 (7:4) есебімен ұтты.

Кездесу 2 сағат 30 минутқа созылды.

Осылайша, 21 жастағы Алькарас мансабындағы төртінші «Үлкен дулыға» турнирінің жеңімпазы атанды. 37 жастағы Джокович «Үлкен дулыға» турнирлерінің ең көп титулдарының рекордшысы (24) болып қала береді.