Суперкомпьютер Еуро-2024 футболының жаңа фаворитін атады

Opta статистикалық компаниясының суперкомпьютері Германияны Еуропа чемпионатының фавориті деп атады, деп хабарлайды Prosports.kz. 

Турнирдің 10 000 симуляциясын басқарған суперкомпьютердің деректері бойынша турнир иелерінің жеңіске жету ықтималдығы 18,34% құрайды. Бұған дейін Германия чемпиондық мүмкіндігі бойынша үшінші орында болатын (14,5%).

Германия топтық кезеңді екі жеңіс пен бір тең ойынмен және 8-2 гол айырмасымен бірінші орында аяқтады.

Еуроны ұту ықтималдығы бойынша Франция бірінші орыннан екінші орынға (18,21%), Англия (17,22%) екінші орыннан үшінші орынға төмендеді.