«Астана» Батыс Азия Суперлигасының ашылу матчында жеңіліп қалды

Елордалық «Астана» Батыс Азия суперлигасының ашылу матчында жеңіліп қалды, деп хабарлайды Prosports.kz.

Қазақстан құрамасы алғашқы ойынын «Аль-Рияди» (Ливан) командасына қарсы өткізді. Кездесуде 69:101 есебімен «Аль-Рияди» жеңіске жетті.

Айта кетейік, турнир матчтары 25 мамыр мен 1 маусым аралығында Катар астанасы Дохада өтеді.

Топтық кезеңде «Астана» ливандық «Сагессе» мен «Аль-Рияди», және Бахрейннің «Манама» клубтарымен ойнайды. Топтық кезеңнен үздік екі орын алған команда турнирдің жартылай финалына жолдама алады.