Футболдан Украина чемпионы белгілі болды

«Шахтер» Украина чемпионатын мерзімінен бұрын жеңіп алды, деп хабарлайды Prosports.kz.

28-ші турда донецктік клуб дербиде Киевтің «Динамосын» Георгий Судаковтың соққан голының арқасында 1:0 есебімен жеңді.

Қазір «Шахтердің» еншісінде 70 ұпай болса, «Динамода» маусымның аяқталуына екі тур қалғанда 63 ұпай бар.

Осылайша Донецк клубы өз тарихында 15-ші рет Украина чемпионы атанды.