Бағдос Олжабай: Қазақстанда жұдырықтасқаннан Ресей лигасында төбелескен маған жеңіл

Қазақстандық файтер Бағдос Олжабай ресейлік АСА лигасымен жасасқан келісімшарты туралы айтты, деп хабарлайды Prosports.kz тілшісі Sport Plus Qazaqstan сайтына сілтеме жасап.

«АСА-ға шығуыма Данияр Қасқырауов ағамыз себепші болды. Қазақстанда жұдырықтасқаннан гөрі Ресей лигасында төбелескен маған жеңіл, себебі отандық октагонда менде қатты қобалжу болады. Ал Ресейде төбелескенде өзімді толықтай көрсете алдым деп ойлаймын», - деді Бағдос.

Олжабай АСА ұйымындағы алғашқы жекпе-жекті 2024 жылдың 9 ақпанында бразилиялық Лиус Рафаэльге қарсы өткізіп, қарсыласын төрешілердің бірауыз шешімімен жеңді.