Қазақстандық хоккей түлегі ҚХЛ-дың үздік клубына ауысты

«Ак Барс» шабуылшы Егор Коршковпен келісімшарт жасасқанын ресми түрде жариялады, деп хабарлайды Prosports.kz тілшісі Sport Plus Qazaqstan сайтына сілтеме жасап.

Өткен маусымда 27 жастағы хоккейші «Амур» командасымен ҚХЛ тұрақты маусымында 67 кездесу өткізіп, 44 (15+29) ұпай жинаған. Плей-оффтың 6 ойынында шабуылшы 3 (2+1) ұпай жинады.

Егор Коршков – сәтбаевтік «Қазақмыс» түлегі. Ересектер деңгейінде ол 2011–2012 маусымында «Барыс-2» сапында дебютін өткізді.