Георгий Кичигиннің АСА 174 турниріндегі жекпе-жегінің трансляциясы

:Бүгін, яғни 19 сәуірде Санкт-Петербургте ACA 174 турнирінде жартылай орта салмақтағы бұрынғы Fight Nights Global чемпионы, қазақстандық файтер Георгий Кичигин бұрынғы Eagle FC белбеуінің иегері ресейлік Денис Измоденовқа қарсы кездесу өткізеді, деп хабарлайды Prosports.kz.

Турнирдің тікелей трансляциясы 19:00-де басталады және осы сілтемеден көре аласыздар.

35 жастағы Кичигин кейінгі жекпе-жегін 2023 жылы қыркүйекте Octagon Promotion 50 турнирінде түсіп, екінші раундта Ричард Тотровты қылқындыру әдісімімен жеңген еді. Оның еншісінде 29 жеңіс және он жеңіліс бар.

32 жастағы Измоденов кейінгі жекпе-жегін 2022 жылы желтоқсанда Eagle FC 51 турнирінде өткізіп, Имам-Шапи Мұхтаровты төрешілердің бірауыздан қабылдаған шешіммен жеңген болатын. Спортшының еншісінде 11 жеңіс, 8 жеңіліс және 2 тең нәтиже бар.