«Барыс» және Қазақстан құрамасының бұрынғы бапкерінің ҚХЛ-дың топ-клубындағы жалақысы белгілі болды

Metaratings.ru сайтының хабарлауынша, Құрлықтық хоккей лигасы (ҚХЛ) клубының бас бапкері Сергей Звягин «Авангардпен» жаңа келісім-шартқа сәйкес келесі маусымда шамамен 30 миллион рубль (шамамен 144,68 миллион теңге) табыс табады, деп хабарлайды Prosports.kz.

«Авангардтың» бұрынғы қақпашысы 1 сәуірде Омбы командасының жаңа бас бапкері болып ресми түрде тағайындалды. Жаңа келісімшарт екі маусымға арналған.

Еске салайық, Сергей Звягин бапкерлік мансабын 2012 жылы «Барыста» бастаған. «Астана» клубында ол қақпашылармен жұмыс істеуге жауапты болды. Сондай-ақ 2012-2013 жылғы маусымда Қазақстан құрамасының жаттықтырушылар штабының құрамында болды.