Қазақстандық файтер маңызды жетістігі, өзбек қарсыласына құрылған тұзақ және титулға арналған жоспары жайлы
Алматыда өтетін OCATGON 54 нөмірлі турнирінде Қазақстан мен Өзбекстан арасындағы файтерлері арасында жекпе-жек өтеді. Басты шайқаста белбеу сарапқа салынады.
Еуразиялық жекпе-жек лигасының қазіргі чемпионы қазақстандық Георгий Кичигин (29-10) қауіпті өзбекстандық нокаутшы Шохасан Мирзаматовпен (11-3) жекпе-жекте белбеуін қорғайды.
Мансап жолындағы келесі маңызды текетірес алдында «Рыцарь» Prosports.kz сайтына сұхбат беріп, өзінің маңызды жетістігі, қарсыласының басты кемшілігі және оған дайындалған тұзақ туралы айтты.
– Георгий, бірінші рет титулды қорғауға санаулы күндер қалды. Жекпе-жекке қалай дайындалдыңыз және оны кіммен өткіздіңіз?
– Алматыда дайындалдым, ештеңені өзгерткен жоқпын. Сол жігіттер – Олжас Есқараев, Әліби Оразбек және басқа да күрескерлер. Мен қарсыласыма арнайы ештеңе дайындаған жоқпын, әдеттегідей жұмыс жасадым. Қалай боларын октогондағы жағдай көрсетеді.
– Формаңыз туралы не айта аласыз? Қазіргі бабыңызды соңғы кезеңдегі ең үздік деп айта аласыз ба?
– Керемет болмаса да, бірақ жақсы формадамын. Ауыртпалықсыз салмақ тастауды және салмақты қалпына келтіруді үйрендім. Бұрын мен небәрі 5-6 келіге арықтап, 82 келіде аз салмақпен жекпе-жекке кірсем, соңғы кездері мен октогонға 86 келімен кіріп жүрмін, сондықтан айырмашылық бар. Бұлшықет массасын жинадым, бұл маған көбірек күш берді. Салмақты қуу әлдеқайда қиын, бірақ жекпе-жек барысында шайқасу оңай.
– Лигадағы осыған дейінгі төрт кездесуді сенімді аяқтадыңыз. Бұл жекпе-жекте қаншалықты қарсылық күтесіз және сіз үшін тосын сый бола ма?
- Жоқ деп ойлаймын. Барлығы бұрынғы қарсыласым Ричард Тотровты көрді. Ол Шохасаннан әлдеқайда күшті, тіпті Хамзат Чапановты да басып озды, ол өз кезегінде Мирзаматовты жеңіп үлгерді. Менің ойымша, Мирзаматовтың күрес шеберлігі орташа.
– Сіздің ойыңызша, жекпе-жектің мерзімінен бұрын аяқталу ықтималдығы қандай? Бұған не ықпал ете алады?
- Әдіс қолданып жекпе-жекті мерзімінен бұрын аяқтаймын деп ойлаймын.
– Жекпе-жек ережесі – 5 раунд. Соңғы раундтарға жеткені кімге тиімді?
– Бұл маған тиімді, өйткені Мирзаматовта ондай тәжірибе жоқ. Тез шаршап қалатыны бар. Ал бес раунд шайқасып жүрген мен үшін бұл жағдай таңсық емес.
