Серб баскетболшысы «Астанамен» келісімшартқа отырды

Жуырда саратовтық «Автодордан» кеткен 28 жастағы серб қорғаушысы Василие Пушица «Астанамен» келісімшартқа отырды, деп жазады Prosports.kz.

Бұл туралы Totalbasket журналисі Кристос Харпидис дереккөздерге сілтеме жасап, әлеуметтік желідегі парақшасында айтты.

Пушица «Автодорға» өткен жылдың қыркүйек айының соңында қосылды. Серб саратовтық команданың көшбасшыларының бірі болды.

Қазіргі уақытта «Астана» ВТБ Бірыңғай лигасының турнирлік кестесінде 8 жеңіс және 11 жеңіліспен 11-ші орында тұр.