«Шавкат пен Леонның жұдырықтасуы өте тартысты болады»: ресейлік файтер Рахмонов туралы пікірін айтты

UFC промоушенінде өнер көрсететін ресейлік файтер Ринат Фахретдинов сұхбат кезінде Шавкат Рахмоновтың мүмкіндігін өте жоғары бағалады, деп хабарлайды Prosports.kz тілшісі Nur.kz сайтына сілтеме жасап.

<span> Ринат Фахретдинов – UFC промоушенінің жартылай орта салмақ дәрежесінің рейтингінде 15-орында тұрған жекпе-жек шебері. Ресейлік файтердің ММА спортындағы рекорды 21-1-1. </span>

<span>Айта кетейік, Ринат пен Шавкаттың менеджері бір. </span>

<span>«Шавкаттың титулдық кездесуіне аздаған қадам ғана қалды. Эдвардстың келесі қарсыласы Белал Мухаммад болуы мүмкін. Одан кейін Рахмоновпен жұдырықтасады. Оның Леонмен кездесуі өте тартысты болғалы тұр», – деді Ринат Фахретдинов. </span>

<span>Еске салайық, Рахмоновтың аралас жекпе-жектегі рекорды 18-0. </span>

<span>17 желтоқсанда Лас-Вегаста өткен UFC 296 турнирінде Шавкат екінші раундта Стивен Томпсонды жеңді. Осыдан кейін қазақстандық UFC файтері жартылай орта салмақ рейтингінде үшінші орынға көтерілді. </span>