Леон Эдвардс жартылай орта салмақтағы UFC титулын қорғады

Желтоқсанның 16-нан 17-не қараған түні Лас-Вегаста (АҚШ) аралас жекпе-жектен UFC 296 турнирі өтті, деп хабарлайды Prosports.kz.

Кештің басты жекпе-жегінде жартылай орта салмақ дәрежесінің өкілдері Леон Эдвардс пен Колби Ковингтон кездесті.

Жекпе-жек бес раундқа созылды және Эдвардстың пайдасына  аяқталды (49-46).

Осылайша, Эдвардс жартылай орта салмақтағы чемпиондық белбеуін сақтап қалды. Ағылшындық үшін бұл жеңіс оның мансабындағы 25 жекпе-жектегі 22-ші жеңісі болса, Ковингтон 17 жеңісімен 4-ші жеңілісіне ұшырады.