«Барыс» Скабелка қызметінен кеткен соң бірінші матчта жеңіске жетті

Қазақстандық «Барыс» командасы Құрлықтық хоккей лигасы чемпионаты аясында елордада Ресейдің «Тракторын» (Челябі) қабылдады.

Матч 2:1 есебімен айдын қожайындарының пайдасына шешілді. Елордалық команда сапынан Всеволод Логвин мен Аркадий Шестаков көзге түсті.

«Барыс» бұдан кейін тағы 3 кездесуін өз алаңында өткізеді. Алдымен, 11 қазанда Ресейдің «Динамо» (Мәскеу) командасымен кездессе, одан кейін 13 қазанда «Локомотив» (Ярославль), 15 қазанда «Металлург» (Магнитогорск) клубымен шеберлік байқасады.

«Барыс» - «Трактор» 2:1 (1:0, 1:1, 0:0)

1:0 - Логвин (Рахманов) - 17:16
2:0 - Шестаков (Данияр См, Муратов) - 25:46 ГБ
2:1 - Робинсон (Блажиевский, Сошников) - 39:17

Қақпашылар: Шутов - Мыльников