«Тобыл» - «Базель» матчына бейнешолу

Қостанайлық «Тобыл» Конференция лигасының үшінші іріктеу кезеңіне жолдама алды, деп хабарлайды<span> </span>Prosports.kz.

«Тобыл» бір апта бұрын Швейцарияда «Базельді» 3:1 есебімен жеңген болатын. Сондықтан Қостанайда алаң иелеріне жеңу мен тең түсуден бөлек, бір гол айырмашылығымен жеңілу де жеткілікті еді. 

26-минутта<span> </span>Антон Каде «Базельді» алға шығарды. Алты минуттан соң қонақтар екінші голын салды.<span> </span>Жан-Кевин Огюстен<span> </span>он бір метрлік айып соққысынан мүлт кетпеді.

Бірақ қостанайлықтар таймның соңына қарай есеп айырмасын қысқарта алды. Бас қазы «Базель» қақпасына да пенальти белгілеп, нүктеге келген<span> </span>Серж Дебле<span> </span>дәлдік танытты.

Екінші таймда Дебленің есепті теңестіретін мүмкіндігі де болған, бірақ ол тепкен доп қақпа маңдайшасына тиді. 

Екі команда да одан кейін тоблодағы көрсеткішті өзгерте алмады. Осылайша, «Тобыл» өз алаңында 1:2 есебімен жеңіліп қалса да, екі ойын қорытындысы бойынша 4:3 есебімен басым түсті.

Енді Конференция лигасының үшінші іріктеу кезеңінде солтүстікирландиялық «Дерри Сити» мен финляндиялық «КуПС» матчының жеңімпазымен кездеседі.

Конференция лигасы. Екінші іріктеу кезеңі. Бірінші матч - 3:1

«Тобыл» (Қостанай) - «Базель» (Швейцария) 1:2 (1:2)

Голдар: Каде 26, Огюстен пенальтиден 32, Дебле пенальтиден 43