«Қазақ Сехудосы» Чурчаевпен кикілжіңнің себептерін айтты

Қазақстандық ММА файтері Дамир Төленов шешенстандық Шовхал Чурчаевпен кикілжіңге не себеп болғанын айтты, деп хабарлайды Prosports.kz тілшісі Legalbet.kz сайтына сілтеме жасап.

«Мен TikTok-та көрген оқиғаны жарияладым, ол қоқан-лоқы көрсетіп, мені бұғаттап тастады. Мен оған Қазақстанға кел деп айттым, бірақ жауап алмадым», - деді «Қазақ Сехудосы».

Чурчаев (13-3) «Дағыстандық парсы» лақапатымен танымал Мохаммед Хейбатиге қарсы жекпе-жек алдында өз салмағының шегінен шығып кеткен (15 келіге ауыр болған) еді. Төленов (10-0) сол үшін Чурчаевты мазақ еткен.

Дамир аса жеңіл салмақта (57 келіге дейін) өнер көрсетеді. Ал Шовхал жартылай орта салмақта (77,1 келіге дейін) сынға түседі.