«Номад» жаңа маусымға дайындық жоспарын жариялады

«Номад» Қазақстан чемпионатының алдағы маусымына дайындық жоспарын жариялады, деп хабарлайды Prosports.kz.

Команда 9 шілдеде демалыстан оралады.

Медициналық тексеруден өткен соң «Номад» Астанадағы оқу-жаттығу жиынының бірінші бөлігін (12 шілде мен 15 тамыз аралығында) бастайды.

16-19 тамыз аралығында «көшпенділер» Минскіде өтетін «Еуразиялық достық кубогы» халықаралық турниріне қатысады. 

Одан әрі «Номад» 22 тамызда Астана мен Көкшетауда басталатын Қазақстан кубогында өнер көрсетеді. Команданың А тобындағы қарсыластары «Бейбарыс», «Ақтөбе», «Құлагер», «Алматы» және «Торпедо» болады.

Кубок аяқталғаннан кейін Ғалым Мәмбеталиев шәкірттері чемпионат басталар алдында елордадағы оқу-жаттығу жиынының қорытынды бөлігін өткізеді.