Қазақстандық теннисші Ұлыбританиядағы турнирдің жартылай финалына өте алмады

Қазақстандық теннисші Александр Недовесов Истборн қаласында (Англия) өтіп жатқан ATP-250 сериясындағы турнирдің жұптық сынында жартылай финалға өте алмады, деп хабарлайды Prosports.kz.

Ширек финалда Недовесов эквадорлық теннисші Гонсало Эскобармен жұптасып, хорватиялық Никола Мектич/Мате Павич дуэтінен 4-6, 4-6 есебімен жеңіліп қалды.

Кездесу 1 сағат 7 минутқа созылды.

Еске салайық, Александр мен Гонсало бірінші раундта швециялық Андре Йоранссон мен жапониялық Бен Маклахлан дуэтін жеңген болатын.

Фото: meta-ratings.kz