Дацик Жаслановпен жекпе-жекте қанша гонорар алғанын айтты

Ресейлік файтір Вячеслав Дацик кейінгі жекпе-жегінде алған гонорары туралы сұраққа жауап берді, деп хабарлайды Prosports.kz сайты Bookmaker-ratings.kz-ке сілтеме жасап.

«Гонорарым миллион рубльден аса ма? Иә, асады. Сомаға көңілім тола ма? Білмеймін. Әйелімнің көңілі толды», – деді Дацик.

Айта кетейік, Naiza мен Ural FC бірлескен турнирінде Ғалым «ТТ»‎ Жасланов ресейлік Вячеслав Дацик «Рыжий Тарзанды» жеңді.

Жекпе-жек бокс ережесі бойынша, бірақ ММА қолғабымен өтті. Жекпе-жек толық үш раундқа созылып, төрешілер шешімімен Жасланов жеңіске жетті.