Қазақстан құрамасының қорғаушысы Беларусь чемпионатына ауысты

Хоккейден Қазақстан құрамасының қорғаушысы Данил Бутенко «Барыстан» кетіп, Беларусь чемпионатына ауысты, деп хабарлайды Prosports.kz.

Хоккейші «Брест» клубымен келісімшартқа отырды. Клуб өткен маусымда жергілікті лигада сегізінші орын алған.

21 жастағы павлодарлық хоккейші «Барыс» жүйесінде өнер көрсетті. Өткен маусымда «Сарыарқа» мен «Номад» командаларында бақ сынады. Жалпы 43 кездесуге қатысып, 17 (6+11) ұпай жинады. Ұлттық құрама сапында 2023 жылғы әлем чемпионатына қатысты.