«Барыс» жаңа айдынындағы ойынын жеңіспен бастады

<p style="text-align: justify;"> <strong>Хоккейден Астананың &laquo;Барыс&raquo; клубы жаңа мұз айдынындағы бірінші ойынын жеңіспен бастады. Қазақстандық ұжым &laquo;Президент кубогы&raquo; турнирі аясында Новокузнецктің &laquo;Металлург&raquo; клубын жеңді.</strong></p> <p style="text-align: justify;"> Бірінші болып қонақтар есеп ашты. Тоғызыншы минутта есепті &laquo;Металлург&raquo; шабуылшысы Роман Бердников ашты, бірақ үзіліске дейін &laquo;Барыс&raquo; ойыншысы Дастин Бойд таразы басын теңестіре білді. Екінші кезеңде де қос ұжым бір-бір шайбадан алмасты. Кейд Фэйрчайлдтың голына &laquo;Барыстан&raquo; Брэндон Боченский жауап қайырды. Кездесу жеңімпазы үшінші кезеңде анықталды. &laquo;Барыс&raquo; клубының ойыншылары Найджел Доус пен Талғат Жайлауов бір-бір шайбадан еншілеріне жазды. Осылайша, елордалық клуб жаңа аренадағы бірінші ойынын жеңіспен бастады.</p> <p style="text-align: justify;"> Қазақстандық клубтың ойынын кәсіпқой бокста ел намысын қорғап жүрген боксшы Геннадий Головкин де алаңнан тамашалады.</p> <p style="text-align: justify;"> &laquo;Президент кубогы&raquo; турнирінде &laquo;Барыстан&raquo; өзге Владивостоктың &laquo;Адмирал&raquo; командасы Ханты-Мансийсктің &laquo;Югра&raquo; клубын 2:1 есебімен жеңді. Келесі ойындар ертең өтеді. Астана уақытымен 14.00-де мұз айдынға &laquo;Метталлург&raquo; пен &laquo;Адмирал&raquo;, ал 19.00-де &laquo;Барыс&raquo; - &laquo;Югра&raquo; командалары шығады.</p> <div> Массагет.кз сайтынан</div>