Алматыда Red Bull 400 World Race өтті

Алматыда 2023 жылы 13 мамырда «Сұңқар» халықаралық шаңғы трамплин кешенінде Red Bull 400 World Race өтті.13 елден келген мың қатысушы 400 метр қашықтықты 35 градус бұрышпен және алдыңғы акселерация аймағын еңсерді, деп хабарлайды Prosports.kz.

Red Bull 400 – қатысушылардан физикалық төзімділікті, батылдық пен стратегиялық ойлауды талап ететін нағыз күш сынағы.

Ерлер арасында словениялық Якуб Шиарник үздік нәтиже көрсетті, оның уақыты 03:49. Екінші орында 04:05 есебімен қазақстандық Дәулет Рахымбаев (2021 жылғы маусымның жеңімпазы). Жомарт Құмақбаев пен Педро Визуэте үшінші орын үшін күресіп, бір секундқа озып кеткен Педро жеңісті жұлып алды, оның нәтижесі 04:06 болды. Әйелдер арасында Татьяна Нерознак (2021 жылғы маусымның жеңімпазы) үздік болды, оның нәтижесі 04:53, Ангелина Шурыга екінші орын (05:15), Диана Айдосова үшінші орын (05:19) алды. Қайсаров атындағы функционалдық дайындық командасы екі рет эстафета жеңімпазы атанды, олардың уақыты 02:28.

Бірдей жағдай жасау үшін әлемнің кез келген еліндегі жарыстар сертификатталған шаңғы трамплиндерінде өткізіледі. Жолдың ұзындығы шамамен 4 футбол алаңын құрайды, ал көтерілу 40 қабатты ғимарат биіктігі. Бұл қатысушылар үшін нағыз сынақ!