Роналду 65 миллион долларға ұшақ сатып алды

Атақты португалиялық футболшы Криштиану Роналду отбасы мүшелерінің саны артып жатқандықтан 65 миллион доллар жұмсап, жаңа ұшақ алды, деп хабарлайды Prosports.kz.

Turbopages хабарлағандай, Роналдуда бұған дейін небәрі сегіз немесе 10 жолаушы сыятын Gulfstream G200 ұшағы болған.

Құны 65 миллион доллар тұратын жаңа реактивті ұшақ 18 жолаушыға арналған, онда гардероб, төсек-орын, ойын-сауық жүйесі және басқа да ыңғайлы жабдықтар бар.

Роналду қазір әлемдегі ең жоғары жалақы алатын футболшы саналады.