«FIS-поинтты жақсартуға мүмкіндік болмады». Қазақстандық шаңғышы Орловкадағы жарыс туралы пікір білдірді

Қазақстандық тау шаңғышысы Александра Троицкая Prosports.kz тілшісіне берген сұхбатында слаломда жеңіске жеткен Орловкадағы (Қырғызстан) FIS-стартына бару туралы шешіміне қатысты пікір білдірді.

- Орловкада өткен FIS-старттағы нәтижеңізді қалай бағалайсыз?

- Орловкадағы өнерімді «жақсы» деп бағалаймын. Бастапқыда алдыма тұрақты, байсалды түрде мәреге жету міндетін қойдым және оны орындадым.

– Жергілікті, өзбек және моңғол шаңғышылары тарапынан бәсекелестік деңгейі туралы не айта аласыз?

- Біздің барлық спортшы келе алмағандықтан, бәсекелестік жеткіліксіз болды. Қатысушылар аз болды және менде ең үздік FIS-поинттар болды, яғни оларды жақсартуға мүмкіндік болмады.

– Орловкадағы барлық жарыстарға неге бірден бармадыңыздар?

– Университеттегі оқуыма байланысты алғашқы старттарға келе алмадым. Бір стартқа қатыса алатынымды білген бойда бапкерлерге хабарласып, соған бардым.

- Алдағы уақытта қандай жарысқа дайындалып жатсыз?

- Алда маусымдағы шешуші әрі маңызды старттардың бірі - Қазақстан жастар мен ересектер чемпионаты. Соларға дайындалып жатырмын.

Фото: orlovka_kg