«Ақтөбе» литвалық футболшымен келісімшартын ұзартты

«Ақтөбе» футбол клубы мен литвалық ойыншы Артурас Жулпа жаңа келісімшартқа қол қойды, деп хабарлайды Prosports.kz тілшісі клуб баспасөз қызметіне сілтеме жасап.

Литва құрамасының экс-футболшысы - әмбебап ойыншы. Артурас тірек аймағында да, орталық қорғаныс шебінде де ойнай алады.

Бұған дейін 2015 жылы да Артурас «Ақтөбе» сапында 35 матч өткізіп, клубтың намысын қорғаған еді. «Ақтөбеден» кейін Жулпа Қазақстанда «Тобыл» мен «Жетісу» командаларында ойнады.

2021 жылғы маусымда Жулпа ақ-қызылдардың сапына қайта оралды, содан бері команда үшін 43 матч өткізіп, 2 гол соқты.