Еуразиялық промоушеннің 2022 жылғы соңғы турнирінің тікелей трансляциясы

Бүгін кешке Алматыда Еуразиялық промоушен OCTAGON 38 турнирі өтеді, деп хабарлайды Prosports.kz.

Балуан Шолақ атындағы Спорт сарайында ММА жанкүйерлері жекпе-жекті тамашалай алады. Басты шайқаста жеңіл салмақта  Бекзат Алмахан (13-1) бразилиялық қарсыласы Дженилто Матоспен жұдырықтасады.

Сондай-ақ алдағы шоу аясында жеңіл салмақтағы OCTAGON чемпионы Мәжит Сардаров, белгілі қазақстандық актер Еркебұлан Тоқтар, UFC-дегі тұңғыш қазақ Жұмабек Тұрсын және алыс-жақын шетелдерден келген басқа да танымал файтерлер өнер көрсетеді.

Жекпе-жек кешінің тікелей трансляциясы Астана уақытымен сағат 17:00-де басталып, OCTAGON TV промоушенінің ресми YouTube арнасында қолжетімді болады.