UFC Рахмоновтың келесі жекпе-жегін ресми жариялады

2023 жылы 15 қаңтарда өтетін UFC турнирінде жартылай орта салмақтағы қазақстандық UFC файтері Шавкат Рахмонов 32 жастағы америкалық Джефф Нилмен кездеседі, деп хабарлайды Prosports.kz.

Рахмонов маусым айында UFC on ESPN 38 турнирінде америкалық Нил Магниді екінші раундта қылқындыру әдісімен жеңді. Ал Нил тамыз айындағы UFC on ESPN 40 турнирінде бразилиялық Висенте Лукені үшінші раундта нокаутқа түсірді.

Қазақстандық файтердің бұл жолғы қарсыласы <span>Джефф Нил </span>жартылай орта салмақ дәрежесіндегі рейтингте жетінші орында тұр.