Гандболдан Азия чемпионаты: Қазақстан әйелдер құрамасы Жапониядан жеңіліп қалды

Бүгін Қазақстан құрамасы Оңтүстік Кореяда өтіп жатқан гандболдан әйелдер арасындағы 19-шы Азия чемпионатының топтық кезеңінде төртінші ойынын өткізді, деп хабарлайды Prosports.kz.

Өкінішке қарай, қазақстандықтар жартылай финалға жолдама ала алмады. Төртінші кездесуде Қазақстан әйелдер құрамасы жапониялықтардан 33-21 есебімен жеңіліп қалды.

Осылайша, қазақстандық гандболшылар 2 желтоқсан күні Өзбекстан құрамасына қарсы ойында бесінші орын үшін таласады. Жеңімпаз әлем чемпионатына соңғы жолдаманы алады.