«Мақсатым – UFC». Алмабаев алдағы жоспарын айтты

Қазақстандық ММА файтері Асу Алмабаев BRAVE FC турниріндегі кезекті жеңісінен кейін алдағы жоспары туралы айтты, деп жазады Prosports.kz.

«Спорттағы басты мақсатым – UFC. Қазақстанға келгеннен кейін басшылықпен және жаттықтырушылармен барлығын талқылап, ыңғайлы шешімге келеміз деп үміттенемін», деді файтер.

Алмабаев бахрейндік лигамен жасалған келісімшарт бойынша соңғы жекпе-жегін өткізді. 

Ең жеңіл салмақта өткен жекпе-жекте қазақстандық файтер Филиппин спортшысы Кеннет Манингатты екінші раундта қылқындыру әдісімен жеңіске жеткен болатын.