Қарағандыда NOMAD MMA бойынша Азияның ашық чемпионаты өтіп жатыр

Қарағандыда NOMAD MMA стилі бойынша IV Азия ашық чемпионаты өтуде. Бұл жарыстарда 8 елден 700-ден астам спортшы өз күштерін сынайтын болады.

26-28 қазан аралығында Қарағандыда NOMAD MMA стилі бойынша IV Ашық Азия чемпионаты өтеді. Іс-шараны осы жекпе-жектің Дүниежүзілік және Республикалық федерациясы ұйымдастырды.

Чемпионатқа 8 елден – Ресей, Қырғызстан, Өзбекстан, Тәжікстан, Пәкістан, Иран, Бангладеш және Қазақстаннан 768 спортшы қатысады.

Чемпионаттың маңызды мақсаттарының бірі – NOMAD MMA-ны ҚР-да және одан тыс жерлерде танымал етуге жәрдемдесу үшін күш біріктіру. Спорт секцияларына одан да көп жастарды тарту, олардың арасында салауатты өмір салтын насихаттау дене шынықтыруға ғана емес, сонымен қатар жоғары моральдық дамуға да ықпал етеді деп санайды чемпионатты ұйымдастырушылар.