«Бұл белбеу алуға соңғы мүмкіндігім деп ойлаймын». Қазақстандық файтер жеңіліс себептері мен Түркиядағы жекпе жегі туралы

21 қазанда еуразиялық OCTAGON жекпе-жек промоушенінің кезекті турнирі ұйым тарихында тұңғыш рет Түркияда өтеді.

O36 ивентінің басты жекпе-жегінде жеңіліп көрмеген қазақстандық Керим Даидов (5-0) өзбекстандық Абдукодир Абдуварисовпен (4-0) орта салмақтағы чемпиондық белбеуін сарапқа салады.

Сондай-ақ, алдағы турнирде жеңіл салмақтағы чемпиондық жекпе-жек өткізген Сәмбет Найманбаев (4-5) өнер көрсетеді. Қазақстандықтың қарсыласы америкалық Global Proving Ground және Ring of Combat промоушндарында өнер көрсеткен жергілікті Кадир Далкиран (3-3) болады.

Prosports.kz тілшісіне берген сұхбатында отандық спортшы наурызда Шермурат Калиловтен жеңілісінің себептері, Түркиядағы алғашқы жекпе-жегі туралы айтып, жеңіл салмақтағы қазіргі OCTAGON чемпионы Анастасия Дюжикованың (6-1) жаттығуындағы негізгі өзгерістерін атап өтті.

– Сәмбет, биыл наурызда Шермурат Калиловтен титулдық жекпе-жекте жеңіліп қалған соң, кездесу өткізбедіңіз. Бұған себептер болды ма, әлде бәрін қайта ойластыру үшін үзіліс жасауды шештіңіз бе?

- Менің үйімде құрылыс жүрді, сондықтан жұмысым көп болды.

– «Пантерамен» жекпе-жекті жиі еске аласыз ба? Уақыт өткеннен кейін титулдық жекпе-жекте жеңілістің негізгі себептерін атай аласыз ба?

– Иә, жекпе-жек жиі есіме түседі. Ауыр жаттығулардан кейін қалпыма келе алмадым. Әдетте, жекпе-жекке төрт күн қалғанда мен толық қалпыма келетінмін, бірақ бұл жолы болмады.

- Калилов біраз уақыттан кейін жеңіл салмақтағы чемпиондық белбеуді бірде-бір рет қорғамай, одан бас тартуға шешім қабылдағанын қалай қабылдадыңыз?

– Ол жекпе-жектен кейін бірден титулға жету мүмкіндігін досына беретінін айтты. 

– Мүмкіндікті пайдаланып, титулды жекпе-жекке қайта шығуға қалай қарайсыз? Ол неге байланысты болады?

– Маған тағы бір мүмкіндік берілгеніне өте қуаныштымын. Енді тек өзіммен айналысамын және қателіктермен көп жұмыс істеймін. Бұл менің белбеуді алуға соңғы мүмкіндігім деп ойлаймын.

- Наурыздағы жеңілістен кейінгі алғашқы жекпе-жегіңізді Түркияда өткізесіз. Сіз бұл елде болдыңыз ба? Жаңа жерде өнер көрсетудің қандай жақсы және жаман жақтарын айта аласыз?

- Түркияда болған жоқпын, сондықтан жаңа жер маған позитив эмоциялар береді деп сенемін.

- Сіздің қарсыласыңыз жергілікті Кадир Далкиран болады. Сіз оның бұрынғы жекпе-жектерін көрдіңіз бе және қарсылас туралы не білдіңіз?

– Иә, мен оның жекпе-жектерін көрдім. Мен оны көбірек күреседі деп айта аламын, өйткені мен басқа ерекше артықшылықты көрмедім.

– Алдағы турнирде шәкіртіңіз Анастасия Дюжикова өнер көрсетеді. Өзіңізді дайындауда және OCTAGON чемпионын ең жақсы жағдайда тағы бір жекпе-жекке шығаруда қиындықтар бар ма?

– Негізінде, ешқандай қиындықтар жоқ. Біз бірге дайындалып жатырмыз және жеңілістен кейін, Настя екеуміздің жеңіске деген ынтамыз зор.

Измит қаласында өтетін OCTAGON 36 жекпе-жек кешінің қонағы атақты футболшы Месут Озил және басқа түрік спорт және шоу-бизнес жұлдыздары болады деп күтіледі.

Турнирдің бас серіктесі - UNDERDOG спорт агенттігі.

Турнирдің ресми серіктесі - 1XBET букмекерлік компаниясы.