Волейболдан әйелдер арасындағы әлем чемпионатында Қазақстан Канададан жеңіліп қалды

Қазақстанның әйелдер командасы Нидерландыда өткен волейболдан әлем чемпионатында Канададан жеңіліп қалды, деп хабарлайды Prosports.kz тілшісі Olympic.kz сайтына сілтеме жасап.

Қарсыластар сенімді есеппен 3:0 (25-14, 25-16, 25-11) жеңіске жетті. Бұған дейін қазақстандықтар осындай нәтижемен АҚШ пен Германия командаларына ұтылған болатын. 

Осылайша, қазақстандықтар әлемдік волейбол біріншілігінде С тобында соңғы орында тұр. Алда біздің құраманың тағы екі кездесуі бар - Сербия мен Болгария.